Para el Şalom las dos publikasyones antes de las fiestas de Rosh Ashana i Pesah reelmente son muy emportante. La emportansa es en primero ande pueden dar lo mas muncho de mesajes i enformasyones a los lektores i a los miembros de la Komunidad Djudia de muestro pais. La segunda emportansa de estas dos publikasyones son ke el Şalom resive munchos reklames en estas semanas porke los ke observan la Kasherut para Pesah deven de topar todo los avizos i todos los detalyos en estas gazetas. I mizmo la djente ke no es djudia pensa ke los miembros de muestra komunidad son enteresados lo mas kon el semanaryo en estas semanas. No se si es reelmente djusto; ma keremos ver muestro Şalom yeno de reklames no solo en estas dos semanas ma todas las semanas.
Me demandaron esta semana si no eskrivi mi artikolo si puedia ser mas livyano para deshar un chiko lugar para las publikasyones. I esto profitando para eskrivir mi artikolo para el Amaneser antes ke Karen me diga “Ayde Pasha ande esta tu artikolo…”
Vos va augurar una buena fiesta de Pesah la semana ke viene…
