La kerensya es el kamino prensipal para la felisitad (mutluluk) de la persona. Lo mas emportante es la Kerensya del den frente, del benadam, del umano. Porke la persona ke kere byen, kere byen a todos los bivos (canlı varlık).
La kerensya de la persona (insan sevgisi); abriga (barındırır) la tolerensya i el entendimyento (anlayış).
Si entre las personas de una komunitad no egziste la kerensya; es muy difisil ke esta komunitad pueda desveloparse (gelişmek) sosyalamente; i no puede tener una solidaritad entre los individuos (birey) ke la forman.
Kerer byen a las personas es; no azer diferensya entre eyos, akseptar a todos kon tolerensya.
La kerensya de los umanos tyene una partikularitad diferente de los otros bivos. Las relijyones, las rasaz (ırk), las linguas entre las personas pueden ser diferentes; ma la Kerensya es la mizma.
La kerensya es; una komünikasyon (iletişim) kayente ke pasa de un bivo al otro bivo (canlı).
Keremos byen la natura (doğa), el benadam, la famiya, la patriya, munchas otras kozas.
Todos tenemos menester de amor, de kerensya.
La kerensya es; de vez en kuando una sonrisa (gülümseme), en vezes merikiya (merak etme), de vez en kuando el sentimyento (hissetmek).
La falta de amor (sevgisizlik), el egoismo es una hazinura ke derroka (tahrip etmek) avagar avagar el puerpo de la persona. En primero puedemos sintir (hissetmek) una soledad en el korason, una enkyetud (huzursuzluk), un malor (mutsuzluk), un espanto, una ravya (öfke), stres, depresyon, un selo i munchos otros sentimyentos (his) negativos.
Una amor, una kerensya kontinual, ekilibrado i deçidido (kararlı) es muy emportante para engrandeser una kriyatura kon sanedad. Tener konfiensa al den frente nase en el doredor (ortam) de la kerensya ekilibrado.
Me akodri de una dicha de “Rochefoucauld.”
“En kada edad la persona es komo una kriyatura. Su kavesa syempre bushka un kavesal de kerensya.”
La kerensya verdadera parese a la luz ke se propaja (yayılmak). Es komo el sol ke aklara lo bueno de lo negro, lo djusto del indjusto. La kerensya es una valor (değer) ke no va trokar nunka en el mundo. Kale saver dar la amor al den frente.
La kerensya es komo la saveduria (bilgi). No se termina en dandola, ni en partajandola.
La kerensya es una Luz.
Si no estamos atados al echo ke estamos azyendo, puedemos ser orozos? İ puedemos reushir?
El chiko ke se engrandese en una famiya sin kerensya komo puede reushir en la vida!
Kualo puede dar a su komunitad?
La amor entre la madre i las kriyaturas es una amor divina i interminable, ke syempre esta kerensya de la madre akompanya komo una luz aklarando sus kaminos.
Deke no bivir este sentimyento kayente ke ampesa solamente kon una chika sonrisa, kon un saludo!
Ampesaremos a la vida en primero en keryendomos byen a si mizmo (kendimizi sevmek).
Los problemes ke no se pueden resolvar; kuando ay la Kerensya se topa solusyones kon fasilitad.
Mi marido Meir ke es un poeto i tyene poesias muy sentimentales dize ke:
“La poezia es un arte. El arte es la ermozura.
La ermozura es la amor de la persona.”
Keridos lektores; espero ke la kerensya va tomar el lugar de todas las gerras, de todo modo de enemistedad (düşmanlık) en el mundo entero.
No peryeremos muestra konfiensa (inanç) al todo el Puederoso para pueder bivir kon kalmo (huzur) i kon felisitad.
Artikolo sovre artikolo
