Fondada por ruth dayan, modista, la espoza de Moshe Dayan
Ruth DAYAN nasio en Haifa en 1917. Oy selebra sus 99 anyos.
Tuvo tres ijos kon Moshe Dayan, Shefe del Estado Mayor de la Armada Israelí, kon el kual estuvo kazada entre los anyos 1935-1971.
En 1954, por la primera vez en Israel, la famöza Kaza de Moda MASKIT, ovra de Ruth Dayan, avrio sus puertas.
Su buto fue de pueder dar lavoro i ayudar a los Judios ke viniyan de todas las partes del mundo, para establesersen i bivir en Israel, tambien reunir las kulturas i artes de kualker payis. Sea brodar, sea fabrikar tapetes o aksesuares, se pudo krear una marka en asemblando diferentes formas i kolores artistikas.
Golda Meir, en estando Ministra del Interior, ayudo Ruth a dar una direksion al stilo kreado proprio a Israel.
Las kreasiones Maskit fueron ofresidas a los lideres, diplomats, prezidentes, ke viniyan vijitar Israel.
Komo se pensa a Israel kon su savrozo falafel o sabra, el fruto de kaktus, Maskit tambien era la marka establesida de la moda. Ansi pudo adaptar i sosializar las personas ke vinieron de diferentes viziones.i kulturas.
Kuando Israel era rezin nasida, Maskit era la marka ke la mujer se sintia elegante kon el stilo Israeliano.
Fabrikadas por imigrantes del Yemen, los aksesuares de plata, o objetos trikotados adjuntandosen los unos kon los otros, se supo krear una otentisita. Las kolores de las piedras de Yerushalayimlos desenes de ropas de tentas beduinas, la kolor del deziierto, los kaktuses, los portokales, inspiraron LA PALETA DE MASKIT.
En los anyos 1990, se pedrio la etnisita de los modeles, por la razon ke el payis avrio sus puertas al mundo i Maskit serro sus puertas.
En el anyo 2010, grasias al apoyo i kolaborasion de Ruth Dayan, la modista SHAVUOD ALEGRE İ PAS EN LA PLANETA....kon linyas mas modernas, kreo i kontinuo la marka MASKIT.
Rengrasiamos Ruth Dayan i su vitrina de aksion artistika i sosial.
SHAVUOT ALEGRE I PAS EN LA PLANETA
