Unas kuantas refleksyones de Martin Buber

Klara PERAHYA Judeo-Espanyol
13 Nisan 2016 Çarşamba

Referandome a mis artikolos del doz i del mueve Marso sovre Martin Buber, vos do debasho estas linyas, unas kuantas de sus refleksyones tomadas de su Ovra la mas importante intitulada “Yo i tu” (Je et Tu), i tambyen de sus kuentos :

 “Empesar por si mizmo, ma no terminar por si”… “Konsiderarse komo punto de partensya, ma no komo objetivo”….”Konoserse si mizmo, ma no enfoharse en si”.

 “ –‘Azer un akto’- es krear”… “ –‘Inventar’- es topar”…” –‘Dar una forma’- es deskuvrir” .  

  “A fuersa de sondear la vida de las kozas i la natura de sus relatividad, vas ayegar al insolvavle”.  “A fuersa de kontestar la vida de las kozas i de sus relatividad, vas ayegar al -‘nada’-”. “En sanktifikando las kozas,vas a enkontrar Dyo”,  

 “ –‘La sagasidad’- no se resive‘-. Kale deskuvrirla si mizmo”.

 “Ande mora Dyo? Dyo mora ande lo kombidan a entrar.”  (Kuento Hasidik)

 “El destino i la libertad son atados el uno al otro; solo la persona ke realiza la libertad enkontra  el destino.” 

  “Kuando en sigyendo un kamino, vemos venir una otra persona sigyendo igualmente su kamino  en muestra direksyon, konosemos solo la partida del kamino ke mozotros izimos ma NO la suya.  Es solo en un verdadero enkontro  ke puedemos konoser la partida de su kamino.”

 “Toda verdadera vida es enkuentro.”

 “ -‘Deshar de kreer a la servitud’- es devenir libre.”