El Dia Internasyonal del Ladino/Judeo-Espanyol se selebrara este anyo en Estambol el 7 Febrero 2016, un dia de Alhad kon aktividades ke duraran el dia entero en el Sentro Kultural de Neve-Şalom.
Empesando a las 11 de la manyana, vamos a tener konferensias, skeches, anekdotas, filmo, komida sefaradí, potpuri de los teatros de Moiz i konsierto de Los Pasharos Sefaradis. Sera un dia ke respondera a todos los 5 sensos de muestros puerpos.
Este dia se organiza por el Sentro Sefaradi d’Estambol kon el apoyo del Gran Rabinato, el Neve Şalom, la gazeta Şalom i del Instituto Cervantes. Siguro ke la sola lingua ke se avlara sera el Judeo-Espanyol.
