Shefe De Orkestra, Eskrivano i Pianisto West Side Story / Batı Yakasının Hikayesi
El projekto del Festival BORUSAN ISTANBUL PHILARMONIC ORCHESTRA, ke debuto en 2012, kon “Beethoven Festival”, fue konsakrado este anyo, la semana del 14-23 de desembre 2015, a Leonard Bernstein i su ovra West Side Story. Las ovras ke mos enkantaron fueron el programa del 19.12.2015:
ERNEST BLOCH (1880-1959)
SCHELOMO: Hebraic Rhapsody For Cello and Orchestra.
Nicolas Baltstaedt. violoncello.
AARON COPLAND (1900-1990)
Appalachian Suite
LEONAD BERNSTEIN, Symphonic Dances from West Side Story.
Tuvimos la oportunita de partisipar al inkredible konserto del 14 desembre 2015, en el salon Lütfi Kirdar en Estambol.
Sascha Goetzel: shefe.
Kit Armstrong: piano.
Program:
LEONARD BERNSTEIN
(1898-1990)
Candide Uvertur.
GEORGE GERSHWIN
(1898-1937)
Fa Major Koncerto.
ANTONIN DVORAK (1841-1904)
9. Senfonia-Muevo Mundo.
Leonard Bernstein sinyo el mas famozo ROMEO i JULYET del 20 siglo, despues de Shakespeare;
Desde 1957 kuando la istoria se metio en sena, el sukseso kontinua sin interupsion. Mel Gussow, el famozo kritiko de arte de sinematografia, kuando desidio de eskrivir un livro sovre “muzikales”, enkontro Bernstein (New York Times), izo un reportaje kon el kompozitor. Bernstein le konto la estoria del reputado muzikal de Broadway...
Leonard Bernstein eskrivio su primera sinfonia, Jeremiah, en 1944.i fue direktor de arte de Fancy Free entre 1958-1969, lo ke elevo el sukseso de la orkestra “New York Philharmonic”. El dinamismo endiskutavle i su allure supo atirar los spektatores i muzikologes. Su pasion era sovre todo de interpretar Mahler i Copland.
Su reputasion en 1970 kon “West Side Story” suvyo al apojeo.
Despues del filmo, Bernstein eskrivio un livro sovre la istoria en 1982:
“El kadro del filmo se avia formado difisilmente. La muzika de “Ma-ri-a”, surjiso kon el gangster i su chuflete, ma devia de reunir la juventud (pop). Los karakteres no solo ivan a kantar, devian de baylar.” (Del reportaje de Jann Wenner.)
Un grande rengrasio a la organisasion por la festivita maraviyoza...
Vos sueto Anyada Buena i Klara 2016, kon vuestros keridos.
