El Dia Internasyonal del Ladino/Judeo-Espanyol se selebrara este en Estambol el 11 Enero 2015, un dia de Alhad kon aktividades ke duraran el dia entero. Empesando a las 11 de la manyana, vamos a tener konferensias, skeches, poeziyas, anekdotas, filmo, sinyatura de livros, un show de komida sefaradi i a la fin un konsierto del grupo de chikos, Estreyikas d’Estambol. Sera un dia ke respondera a todos los 5 sensos de muestros puerpos.
Este dia se organiza por el Sentro Sefaradi d’Estambol kon el apoyo del Gran Rabinato i del Instituto Cervantes. Siguro ke la sola lingua ke se avlara sera el Judeo-Espanyol.
Si keresh asistir a este dia maraviyozo, vos konsejamos de eskrivirvos i apartar vuestro lugar desde agora. El presio de este dia de aktividades kon komida inkluida sera 30TL ke puedesh embiyar al kuento de bank del Sentro Sefaradi.
Garanti Bankası, Safarad Kültürü Araştırma Derneği Şişli Şb. 152 - 6296956
IBAN no: TR19 0006 2000 1520 0006 2969 56
Akel dia muestro Sentro kitara un El Amaneser espesial, echo en papel spesial. Si keresh azervos sponsores en dando reklames a muestra gazeta vos rogamos de kontaktar a la Sra. Emel Benbasat.
Para kontaktar telefona a Emel Benbasat:
0212 231 92 82 Fax: 212 231 92 83
E-mail: [email protected]
