Es kon una grande tristeza ke mos ambezimos i ke anunsyamos a los lektores de esta pajina del semanaryo Şalom rezervada al Djudeo-Espanyol, la muerte de muestro ansyano kolavorador: Robert Alfandari elkual se karakterizava kon su esprito humoristiko.
De una ancha kultura jeneral i fidel kolega del defundo Salomon Bicerano, el kontava a muestros lektores faktos i echas empapados de riza i humor, debasho el titolo de la rubrika “Oye, Oye Daki Daya”.
Ke su alma repoze en paz! Amen.
Muestras sinseras kondolensas a su mujer Sonya Alfandari ansi ke a su ija i yerno Sibel & İzzet Baruh, komo tambyen a todos sus amigos i serkanos.
