Muestra kerida amiga Karen Şarhon vyene de pedrer su madre
Suzi Gerson (nasida: Amira)
Dama honoravle, eya era syempre sonriente aun ke kedo enklavada durante 12 anyos a su lecho de dolor, sin pueder azer un paso, esklava de un maldicho mal inkuravle.
Los kudyos empapados de amor i de karinyo de su ija Karen Sarhon i de su ijo Moris Gerson fueron por un lungo tyempo su sola razon de bivir. Ansi eya serro por syempre sus ojos al mundo i a la vida, entornada de kerensya i de profunda afeksyon.
Ke su alma repoze en paz.
Muestras sinseras kondolensas i la ekspresyon de muestra grande amistad a las famiyas Şarhon i Gerson.