Segun lo ke meldamos en la prensa oksidental i Israelyana, Djueves de la semana pasada 3 adolesentes İsraelyanos de una kolonia djudia en tyerras okupadas, fueron arrevatados en azyendo Oto-stop en direksyon de Yerushalayim.
Desde el anunsyo de la kaptura de los tres estudyantes, la armada Israelyana (konvensida ke los responsavles de este rapto eran myembros del Hamas) espandyo su ofensiva de bushkida en varyos lugares debasho de sospecho... munchas personas fueron arrestadas entre las kualas el prezidente del parlamento del Hamas ‘Aziz Dweik’ i sinko otros deputados del mizmo partido. Las bushkidas kontinuan i sin dubyo kontinuaran asta ke los tres kaptivos sean liberados i salvados.
