El filmo de Abel Ferrara intitolado Welcome to New York ( el kual revyene sovre el dolorozo kavzo del hotel Sofitel en el anyo 2011) i ke fue prezentado en un sinema de Cannes sin partisipar al selebre konkorso, fue muy kritikado:
Primo) de parte de los serkanos de Dominique Strauss Kahn por la falsedad de munchos detalyos ke fueron prezentados sin tomar en konsiderasyon la liberasyon del ex prezidente del İMF afrankado de parte del tribunal de New-York despues una real i profunda enkuesta.
Segundo) de parte de Anne Sainclair i sus amigos por syertas aluzyones antisemitas paradoksales konsernando 1)el pasado del Avuelo i del Padre de la grande djornalista, en realidad el uno blamado por el rejimen de Wichy, el otro aktivo partisipante de la liberasyon de la Fransya, lo ke los realsa i no los arrebasha. I tambyen 2) la prodigalidad en direksyon de Israel, de parte de Anne Sinclair eya mizma.
El Avokato de DSK ‘Me Jean Veil’ va introduzir una aksyon en djustisya kontra los responsavles del dicho Filmo, por difamasyon bazada sovre argumentos ofisyalmente desmentidos. I la Licra de su parte va protestar por aluzyones antisemitas, despues de vizyonar personalmente el filmo.
