El buto del arte de muestro siglo es la bushkida de konseptos ke no fueron formulados asta agora, i el desvelopamiento del Arte Abstrakto kon kompozisiones ineditas.
EMiLE ZOLA mos dize: “El arte no se puede manifestar si no ay la verdad en el”
El dezeo de los artistos es de krear i tambien partajar sus ovras,i aprovechar los amantes de arte de un mundo yeno de formas i kolores estetikas para dar gozo...
Los profesores de la Akademia de Beyos Artes mos ensenyaron a perfeksionarmos en no reproduizando lo ‘Déjà Vu’, tambien en observando el Arte desde su empesijo en la antikuedad.
El ser umano empeso a desinar en las grotas, mismo antes de avlar, para pueder darse a entender.
El intereso se desvelopa en bushkando el imajen impresionante - saver mirar es sinyo de la personalidad.
Munchos elementos influensan el desvelopamiento en el kampo artistiko. La definision la mas djusta sovre el arte es: La koordinasion de la persepsion kon la imajinasion.
Vos sueto dias klaros i manifestasiones kulturales i artistikas...
BAHARİYE SANAT GALERİSİ
Adreso: Caferağa Mah. Kadife Sk. Kızıltunç Apt. No: 1/1 (Reks Sineması Karşısı) Kadıköy /İstanbul
