El 23/02/2014 alhad demanyana; uvo un konserto a la onor del sinyor Amnon Weinstein; ke vino de Israel para realizar una ekspozisyon de violines (keman) de modos diferentes; unos violines espesyales ke apartyenen a todos los paises del mundo entero, de antes 500-600 anyos.
Este dia fue organizado por “Robert Schild” i la kontribusyon (katkı) de una organizasyon de muestra komunitad ke el presidente progresisto (ilerici) es: Elyo Medina.
Cihat Aşkın es uno de los virtuozos emportantes de violin, konosido en muestro pais i en Amsterdam. En mizmo tyempo el es; el profesor del konservatoryo (konservatuar) de la Universitad Teknik de Estambol. El es el kompozitor (besteci), de los poemos (şiir), de los poetos (şair) modernos (çağdaş) sefarades.
Robert Schild; es mi amigo sezudo (akıllı) i kultivado ke tyene munchas ideas briyantes i munchos projektos diferentes.
El; organiza nochadas reushidas de muzika, de konferensyas, de konsertos en lugares diferentes. A parte eskrive en la revista (dergi) del Şalom i en otras revistas kada mez un sujeto uno mas enteresante de otro. Veramente es un plazer de meldarlo, porke la persona se puede ambezar kozas muevas, lugares ande ay los teatros, los sinemas, las konferensyas, los konsertos, las ekspozisyones (sergi), i munchas otras aktivitades.
Amnon Weinstein es un koleksyonador (koleksyoncu) de violines ke tyenen una valor istorika i ke se utilizaron (kullanmak) en diversas kulturas estos violines eksepsyonales (müstesna). El padre de Amnon empeso a arekojer los violines del anyo 1940 despues del Holokost i sus ijos estan kontinuando.
El padre de Amnon, el mizmo, el ijo Avi Weinstein, i el ijo bebe de tres mezes del ijo, kuatro jenerasyones.
“El violin es un enstrumento de muzika ke arrebive (canlandırmak) a muncha djente.
El primer procekto enternasyonal en Estambol fue; ‘Los Violines de la Esperansa’ (Umudun Kemanları).
El sigundo procekto va ser superyor al primer disho Amnon Weinstein. Keren arrekojer los violines de las viktimas (kurban) del Holokost ke no va ser fasil siguramente.
En 2015 se va realizar un konser muy grande en Kordova.
Avi Şalom el ijo de Amnon ay kuatro anyos ke bive en Estambol. Se kazo kon Selin Weinstein i tyene un ijiko de tres mezes. Esta lavorando en todas las partes de Turkiya. Se esta iyindo a los konservatuares.
Ay 100 anyos ke estos enstrumentos no estan utilizados.
Ma en la mano de Cihat Aşkın kon Selin Weinstein la boz ke estava salyendo de los violines mos ipnotizo, tanto ermozo…
Eyos izyeron avlar estos enstrumentos kon sus kapachitades (beceri) i sus talentos (yetenek) espesyal.
Aviya uno 10-12 sortes de violines ke Amnon mos dyo detalyos diferentes.
El violin forma de gramofon ke tyene dos butos (amaç). Tyene una boz muy fuerte ke los zinganos lo emplean. No tyene una sistema de elektrisitad.
El violin de aldikera (poşet kemanı); es un violin muy chiko ke en los anyos 1500; las personas baylavan en los palasyos. Despues lo guadravan a la aldikera.
El violin; el medyo del enstrumento komo violin, el otro medyo komo gitar. Es un enstrumento ke apartyene a Viyana i se enkolga a la pared. Mizmo kon estos enstrumentos para la pared; los violonistos fantastikos mos dyeron un konser inolvidavle.
Los violines muevos ke fueron echos en la Amerika; los violines kon linyas (çizgiler) komo pijama.
Acuntaron (birleştirmek) diferentes arvoles i peryeron muncho tyempo para azer estos violines muy espesyales.
Aviya kaji 70 personas muy enteresadas en esta muzika klasika. Los ke no puidyeron partisipar a este dia maraviyozo peryeron muncho malorosamente.
A la fin; el Presidente Elyo Medina remersyo Robert Schild de pueder organizar este banketo de muzika (müzik şöleni), kon los partisipantes
Amnon Weinstein, Cihat Aşkın, Avi i Selin Weinstein i les dyo komo rekuerdo livros a kada uno i uno.
Fue un dia reushido; ke tomimos un plazer grande de sentir a estos artistos i de estar todos endjuntos kon amistad.
