La gazeta Yediot Aharonot mos ambeza ke segun lo ke anunsyo un ministro Israelyano: ‘Reprezentantes de İsrael, Jordania i Autoridad Palestinyana’ sinyaron un tratado (kualifikado de historiko) para salvar la Mar Muerta ke riska de sekarse enteramente, grasyas a las aguas de la Mar Kolorada.
Un sistema de pompaje de agua sera instalado en el golfo de Aqaba a la Punta Norte de la Mar Kolorada. Una partida de la agua pompada sera desalada i distribuida a los İsraelyanos, Jordanianos i Palestinyanos i el resto sera transferado a la Mar Muerta.
‘El ministro İsraelyano de la Agua i del Desvelopamyento’ prechizo kon razon ‘el interes ekonomiko ke ay de distribuir agua desalada a presyo basho, ansi ke el interes para el entorno de salvar la Mar muerta, i tambyen lo ke es muy importante el interes estratejiko- diplomatiko de reunir las tres entidades politikas en un proyekto komun’.
La Unyon es syempre paridera de paz i armonia.
