Vengo de resivir la fotografia de la atribusyon del doktorato honoris causa a muestros ansyanos konsivdadinos Selim i Naime Salti, aktualmente instalados en Israel, por sus enorme kontribusyon a la promosyon i al adelantamyento de la kultura sefardi, grasyas a la “Avyertura de dos katedras adekuadas en la Universidad Bar-İlan de Tel-Aviv” realizada kon sus grandes esforsos i sus ermoza jenerosidad.
Tal ke vo lo avia personalmente anunsyado unas kuantas semanas antes, kon sus valorozos profesores, la kreasyon de estas dos katedras universitaryas permete un estudyo profundo i profesyonal de muestra lengua etnika, indo mizmo asta el doktorato.
Todas muestras felisitasyones i muestra grande gratitud a Naile i Selim Salti.
