Las buenas novedades son komo un viatiko i sostyenen muestro moral en estos tyempos ande el mundo esta kontinualmente en estado de rebuelta; ansi es kon grande plazer ke vos damos las sigyentes:
Meri i Robert Schild ansyano eskritor de muestro semanal “El Şalom” devinyeron avuelos de una linda inyeta nombrada “Keren Schild”.
La responsavle de la kontabilidad de muestra gazeta Anet&Yako Pase biven la dulsor de ser gran-mama i Gran-papa de un ermozo inyeto ke fue yamado “Jamie Cem Pase”.
I tambyen nasyo “Letisya Baruh” ija ermoza i mazaloza de Liz & Cem Baruh myembro del ‘ekipo de eskritores del departamente de novedades del eksteryor’ de muestro ebdomadaryo.
El Dyo ke bendiga estos tres nasimyentos i les asegure una larga vida yena de alegria, prosperidad, logro i paz en el korason.