Noche de Alhad pasado, el mueven Limud realizado en muestra sivdad fue kon razon dedikado a la memorya de Alp Alkaş, de la parte de Liat Murat, durante la sesyon de avyertura del selebro kolokyo kultural.
Ay de esto mueve anyos, Gina Alkaş i su ekipo avian instorado en muestra komunidad la selebrasyon de esta grande fyesta intelektual konsagrada a la konosensya syentifika, filozofika o literarya komo tambyen a varyos otros sujetos ekonomikos o historikos de muestro tyempo, aktividad ke fue desde el presipyo de su kreasyon en muestra sivdad, un enkontro de varyos grandes intelektuales, verdadera huente de saviduria i manadero de muevas refleksyones.
1300 personas asistyeron a las konferensyas sovre varyos temas. Aunke muy reushido, este anyo la atmosfera jeneralmente festiva de este grande dia, fue (se entyende byen) imprenyada de una inmensa tristeza…
