Muestro ansyano kolavorador de la pajina esportiva del Şalom
Alp Alkaş
ijo de muestros keridos Gina i Avi Alkaş, todos los dos myembros aktivos i briyantes de muestra komunidad, vyene de murir subitamente en İngletera, a la flor de la edad, arrankado salvajamente de la vida por un suerte kruel i indjusto..
Su muerte desha la mayoria de la kolektividad djudia de Estambol ansi ke nombrozos otros amigos, en un estado de profunda amargura i estupor.
Ke su alma repoze en paz i su rekuerdo kede bivo en la memorya de todos los ke lo konosyeron.
Muestros sentimyentos de sinsera amistad a Gina i Avi Alkaş i la ekspresyon de muestra partisipasyon a sus dolor.