.
Ermoza novedad de Karakas: Venimos de resivir una muy ermoza i rekonfortante novedad de Karakas ke vos transmetemos tekstualmente tal kual
En 30 Junio, en la Semana Sefardi de soprano Linet Şaul dio un konsierto en Karakas, kapital de Venezuela.
La soprano y udista de barok, Doris Benmaman kanto en Haketia y soprano Linet Şaul en Ladino. Los akompanyaron famosos tanyedores de Venezuela, Ruben Riera en gitarra, Herberto Rojas en elektro baso y Alexandra Alvarez en perkusyon.
La comunidad Sefardi de Karakas viene de la comunidad Sefardi de Maroko y avlan Haketia, ke es una forma de Espanyol vieja como Ladino. Diferente de los Judios de Maroko ke avlan Arabo, los Sefardim de Maroko preservaron su lengua por 500 anyos después de la ekspulsyon de Espanya, siendo solo 30mil personas en dos civdades. En los anyos 1960, desharon Maroko i fueron a morar en Karakas, Toronto y Espanya.
