Tres mansevos djudyos ke yevavan una kippa sovre la kavesa, fueron agresados Shabat la tadre, en “Villeurbanne’’ grande kazal de la periferia de Lyon, por un grupo de individuos, (se supoza de orijen Magrebana) ke los golpearon kon varas de fyerro.
Tres mansevos djudyos ke yevavan una kippa sovre la kavesa, fueron agresados Shabat la tadre, en “Villeurbanne’’ grande kazal de la periferia de Lyon, por un grupo de individuos, (se supoza de orijen Magrebana) ke los golpearon kon varas de fyerro.
İnmedyatamente hospitalizados, dos de entre los jovenes djudyos ke avian sido ferridos, resivyeron los kudyos menesterozos.
En un komunikado de Prensa, Manuel Valls, el aktual Ministro Fransez del İnteryor, denunsyo estos aktos reprehensivles de asalto premeditado i los konsidero komo golpes kontra el modelo Republikano Fransez, el kual permete a todos los sitizanos, sin distinksyon, de bivir i praktikar libremente sus Relijyon.
Martes pasado, el mizmo Ministro resivyo una delegasyon djudia kompuesta del Prezidente del CRİF ‘Richard Prasquier’ i munchos otros notavles i dirijentes komunitaryos djudyos, afin de estudyar de una manera konkreta el problema de la seguridad de la Komunita Djudia.
El Prezidente del “Konsilyo Reprezentativo de las İnstitusyones Djudias de Fransa” pensa ke la agresyon de Shabat la tadre es atada al horrivle asalto de la eskola Ozar Ha Torah de unos kuantos mezes antes en Toulouse, ande 3 ninyos i dos adultos djudyos pedrieron la vida.
