A la intisyon de los lektores del Şalom

Klara PERAHYA Judeo-Espanyol
1 Şubat 2012 Çarşamba

Muestro kerido amigo Avram Behar mos mando la traduksyon en Djudeo-Espanyol de un artikolo ke paresyo en el diario Israelyano “Yediot Ahronot” del 19.1.12   ke vos transmeto tekstualmente i integralmente debasho de estas linyas:

“El governo SWEDYANO desidio ayer por avrir demuevo el arcihvo de RAUL WALENBERG, i investigar ke paso ensu destino duspues ke los RUSOS lo arastaron enel anyo 1945, walenberg tuvo la gloria i fue explendor ke salvo miles de djudios dela HUNGARIA dela muerte enlos kampos de konsentrasion delos nazistas,el defendio alos djudios dandoles pasaportes SWEDYANOS, duspues ke los sovyetes konKIstaron la HUNGARIA en 1945 lo arastaron ide akel tiempo sedesparesieron suz rastros.

Duspues dela revolta delos paizes sovyetikos, los swedyanos perkuraron a investigar ke paso ensu destino de WALENBERG por saver kualo le akontisio? investigadores rusos argumentaron ke WALENBERG fue dado ala muerte enel anyo 1947 pero Munchos testigos lo vyeron en vida duspues de muncho tiempo. En forma ofisial disheron los rusos ke el diplomato WALENBERG muryo en segito  de un atako de korason, ilas autoridades rusas no tornaron mas de esta version. Un investigador SWEDYANO de nombre HANS MAGNOSON fue nominado para esta mision el aseguro a exkavakar entodos los dekumentos kesetopan por bushkar testimonios Muevos ke apartirnen a WALENBERG isu destino. Ay duda ke los rusos no van adar la permision atokar suz archivos.”

Toda muestra gratitud de la parte de mozotros todos i la ekspresyon de muestra grande amistad a Avram Behar.

P.S. Nasido serka de Stockholm, Raoul Wallemberg era el eredador de un inmenso Emperyo industrial i finansyal i en mizmo tyempo un  diplomato sueko (sueduazo) ke tenia komo misyon de salvar el maksimum de djudyos posivle  durante la segunda gerra mundyal.

Ansi el utilizo su posivilidad de dar  pasaportos temporaryos a sitizanos “suekos” para salvar en realidad  djudyos de Hungria i ansi se supoza ke  serka de 100.000  de muestros ermanos de este payis pudyeron eskapar de la muerte.

Malorozamente, komo mo lo dize Avram Behar, la fin de este grande Ombre fue muy amarga.