En memorya del fundador de esta pajina en Judeo-Espanyol de muestra gazeta.
Hermoza mia
Dame la mano.
Vamos al kampo
Pasar buen dia.
Perfume freskos
Tan mos enkantan;
Eyos mos yevan
En feliz pasos.
No se, si gozo,
Por ermuzura,
De La Natura,
O por repozo,
Ke tu mano da.
Kayente presion,
De tu korasonp
Ô! Linda fada.
Veygo el sielo,
el azul puro,
Tus ojos miro,
I no so, solo.
Kanta pasharo!
Kantame, boske!
Kanteme, porke,
Yo bien la kiero.