El teksto de esta ley prekoniza de deshar sin ayudo finansyero kualkyer organizasyon ke nyega el “derecho a egzistir”del Estado Israelyano ansi ke su estatuto demokratiko i ke pusha al odyo, a la lucha armada o byen a la degradasyon de los simbolos nasyonales.
Segun Wikipedia, la palavra “nakba” sinyifika en Arabo “dezastre”i es ansi ke munchos palestinyanos de nasyonalidad Israelyana konsideran la kreasyon del Estado de Israel, todo en gozando de los grandes avantajes ke reprezenta para eyos esta situasyon.
Asta oy en dia, fidel al prinsipyo demokratiko de la ”libertad de ekspresyon”las otoridades Israelyanas no se opozavan avyertamente kontra varyas manifestasyones anti İsraelyanas perpetradas por sitizanos de orijen Palestinyana, partikularmente la semana de la independensya Israelyana... lo ke tomara fin kon esta mueva ley.
