El Premyo de “Ekselensya (Mükemmelik Ödülü) en el kampo de las relasyones humanas”fue atribuido a la İnstitusyon Microsoft de Turkia por la kualidad del lavoro de su departamento relativo a esta aktividad, dirijido por Esra Gaon kon la kontribusyon de su ekipo departamento ke tyene la funksyon de eskojer i kontratar el personal nesesaryo i apropyado al establesimyento de diferentes muevos Holdinges i Sentros Komersyales ke son kreados en muestra sivdad.
Durante tres anyos este departamento fue klasado el primer por la kualidad de su lavoro en el espasyo de esta aktividad
Esra Gaon, psikologa en el kampo del buen funksyonamyento de los grandes establesimyentos komersyales, i tambyen ensenyante en la Universidad Bilkent de Ankara, es la ija de muestra kolavoradora Şeli i Mahir Gaon ke felisitamos kalorozamente i a los kualos auguramos syempre akontesimyentos de alegria.
I a Esra Gaon syempre sukseso i reushita buena.
