5 personas: padre, madre, dos ninyos de onze i tres anyos i un rezin nasido de tres mezes fueron salvajemente asasinados en sus eshuenyo, noche de Shabat pasado en una de las kolonias İsraelyanas de Sisjordania.
Malgrado su profunda indinyasyon por un akto kriminal de esta dimensyon, el primer Ministro Binyamin Netanyahu demando a los İsraelyanos de abstenersen personalmente de kualkyer aksyon de vengansa. El disho “Demando a todos los Israelyanos de komportarsen de una manera responsavle i no azer personalmente djustisya. Es solo la Armada i las Fuersas de Seguridad ke pueden asumir esta responsabilidad’’
Komo sinyo punitivo, se avla de una akselerasyon de muevas konstruksyones... Es ke esto sera una buena desizyon? Eske esto no va intensifikar ainda mas la espiral de violensa?
Munchos gazeteros Israelyanos (todo en ekspresando sus sentimyentos de horor delantre un semejante krimen) ekspresan tambyen sus kritikas amargas konsernando la aktual politika İsraelyana.
Ke los dias avlen en favor de este chiko payis entornado kontinualmente de odyo i de ira!
