El “Jerusalempost en fransez” mos dize ke segun Ehoud Barak ay una kontradiksyon entre la formasyon del Governo Israelyano aktual i las posivilidades de ir mas leshos en las negosyasyones entre los Palestinyanos i Israel.
Barak kritiko la estruktura de la koalisyon prezente i deklaro ke si el Governo no parvyene a reaktivar las konversasyones direktas kon el reprezentante del Estado Palestinyano, va ser nesesaryo de formar un Governo de Unidad Nasyonal.
El disho: “Muestro objetivo es de tener un lugar ande muestros inyetos kereran bivir, un lugar ande todos los djudyos puedran tener la kavesa alta”.
