Tubishvat en el Kaal de Kadiköy

Klara PERAHYA Judeo-Espanyol
22 Ocak 2011 Cumartesi

Komo kada anyo, Tubishvat fue selebrado i fyestado en la ermoza Sinagoga de Kadiköy-Haydarpaşa, mayestuoza kon sus dos eskaleras de marmol ke se aunan al nivel de la entrada, ansi ke kon la luzyor de su Tabernaklo i la atmosfera de paz interyor, ke la luz ke penetra por las altas ventanas inspira a los yahidim.

La Kehila de Kadiköy kedo para los vyejos moradores de Yeldeğirmen i Talimhane no solo komo un espasyo rememorativo de los anyos pasados, ma komo un lugar abstrakto de enkontro emosyonal.

İ ansi sera syempre “Tubishvat en Kadiköy” i ”Purim en Balat”, ermoza kontinuidad de las tradisyones rituales djudias ande se mesklan armonyozamente el Pasado i el Prezente, para aparejar un futuro echo de koherensya i de kerensya resiproka.