Tenemos la grande tristeza de informar muestros lektores de la pedrita (en el espasyo de unos kuantos dias) de dos amigos ke mos eran muy presyozos por sus kualidades morales i el potensyal de amistad ke eyos yevavan en sus korason.
Por orden kronolojiko:
Aaron Koen
direktor en Israel de la “Autoridad Nasyonala para la promosyon del Ladino i su Kultura” i marido de la selebre eskritora i autor de nombrozos livros, muestra kerida “Matilda Koen Serano”.
I tambyen
Elyo Pardo
ombre de byen i de grande noblesa de karakter, marido de muestra muy kerida amiga Zehra Pardo, ansyana prezidente de la Matan Baseter, ke paso syete anyos a la kavesera de su kompanyero de vida, luchando de todas sus fuersas kontra la muerte i la sufriensa. En paz i en ganeden ke repozen.
Muestras kondolensas las mas sinseras a las famiyas Kohen i Pardo i la ekspresyon de muestra simpatia ansi ke de muestra profunda tristeza.