Türkiye-İsrail İlişkileri Turkish-Israeli Relations

Klara PERAHYA Judeo-Espanyol
22 Aralık 2010 Çarşamba

Una ovra historika de un grande interes vyene de pareser.

Dos investigadores “Can Yirik,”  de la Istanbul Kültür Üniversitesi ansi ke “Alon Liel” de Israel mos kontan kon  fotografias otentikas, debasho las kualas se topan chikos tekstos eksplikativos en “Turko, Inglez i Ebreo” lo ke fueron las relasyones entre la Turkia i Israel durante 62 anyos, entre 1949 i 2010, en las esferas de la Diplomasia, Politika, Kultura, Ekonomia, Arte, Situasyon Militar, Espor ets...ets...

Dividido en kuatros kapitolos, este Album es el solo lavoro de este djenero ke komporta semejante kuantidad de fotografias, (munchas de entre eyas ke no fueron prealavlement publikadas) las kualas deskriven lo ke fueron  las relasyones bilaterales entre los dos payizes, desde los primeros kontaktos entre los shefes Sionistos i las otoridades Turkas asta muestros dias.

Muy subtil en su prezentasyon, esta ovra  mos da una idea global i verdadera de este largo periodo de amistad i  interkambyo kultural i diplomatiko entre los dos estados.

Kada livro muevo adorna  muestra biblioteka i enrikese muestro esprito.

 

 

Este teksto es el relato rezumado de las prinsipales peripesiyas de la vida de un grande savyo djudio.