La afamada 16ena konferansya de la “Queen Mary University of London sovre Estudyos Judeo Espanyoles”, Serie de kolokyos fundada grasyas al ermozo lavoro de la Prof. Hilary Pomeroy, es realizada este anyo del 13 al 15 Julio kon la kolaborasyon del “Sentro Naime i Yehoshua Salti” todos los dos Turkanos, aktualmente instalados en Israel ma syempre fuertemente attados a sus payis de orijen ansi ke a muestra komunidad.
Felisitamos kalorozamente muestros konsivdadinos “Naime i Yehoshua (Selim) Salti” ke fundaron ay de esto unos kuantos anyos en la Universidad Bar İlan este Sentro para la ensenyansa i la promulgasyon del Judeo-Espanyol.
Selim Salti me mando una kopya de la ermoza avla ke el devia azer en Londra el 13 koryente, la kuala malorozamente me es imposivle de transmetervos en el chiko espasyo de muestra pajina Judeo- espanyola del Şalom.
