Oganyo el grupo de Ladinokomunita se va enkontrar i azer tur en Espanya, tierra de muestras raises sefaradis. Del 6 al 18 Oktubre vamos a vijitar sivdades ande bivieron muestros antepasados, kon giyas espanyoles ke son miembros de Ladinokomunita, i/o reprezentantes de Tarbut Sefarad, i un profesor universitario de estudios djudaikos. Entre los munchos evenimientos espesiales podemos mensionar ke en Madrid el granrabino Moshe Bendahan mos va azer una resepsion, en Barcelona Mario Saban, Presidente de Tarbut Sefarad, mos va dar konferensia i giyarmos por la djuderia, en Jaen mos vamos a topar en un dia de Festival de Andalucia, i mos vamos enkontrar kon autores i espesialistos de istoria i literatura sefaradi. Tambien un ekipo de TV va azer un filmo dokumental de muestro enkontro i viaje entero. Un grupo de Fransia, de la asosiasion sefaradi Aki Estamos se van adjuntar kon mozotros por unos kuantos dias.
Los ke tienen komputadora pueden ver el programa kompleto en el sitio:
http://www.slideshare.net/pissarro/ladinokomunita-4684342
