UNA İJA NASYO EN LA KAZA DE IŞIK SİVİL & ALİ KARAKOÇ
Luzya i ermoza, una ija nombrada İdil Karakoç nasyo en la kaza de muestra direktora responsable de redaksyon Işık Sivil & Ali Karakoç, myerkoles pasado el 4 del mez koryente.
Mazaloza, venturoza i provechoza para su entorno i su payis ke eya syempre sea.
El Dyo ke la bendiga i bendiga sus jenitores.
Muestros dezeos de felisidad a las famiyas Karakoç i Sivil.
VİKTOR KUZU & SENEM ERTUNCAY AUNARON SUS VİDAS
Es para una larga vida yena de alegria, amor i armonia ke muestro kerido kolavorador Viktor Kuzu redaktor en la rubrika “Dışhaberler sayfasi” auno su destino al de Senem Ertuncay.
El Dyo ke bendiga sus unyon i proteje sus kaza. Todas muestras felisitasyones a las famiyas Ertuncay i Kuzu i muestros sinseros dezeos de felisidad a Senem i Viktor.
YAKİR MİZRAHİ I MERVE ÜSTÜNEL AUNARON SUS DESTİNOS
Yakir Mizrahi redaktor en la rubrika esportiva de muestra gazeta i Merve Üstünel aunaron sus destinos en la alegria, la kerensya i el respekto mutual.
Les auguramos una larga egzistensya yena de kerensya i prosperidad en la armonia i la komprensyon mutual
Muestros sinseros dezeos de felisidad a las famiyas Üstünel i Mizrahi.
