A la sigida de una eksperyensa echa sovre “un grupo de 300.000 djugadores de golf” en komparasyon kon un otro grupo de sitizanos de “edad”, “proporsyon de mujeres i ombres” ansi ke “kondisyones sosyo-ekonomikas” identikas , los ke praktikan este djugo tyenen una ganansya de 5 anyos de majorasyon de esperansa de vida en raporto kon los ke no lo praktikan.
En desparte kel golf se djuga al ayre libre i demanda un esforso fiziko regolar, el tambyen egzije muncha atensyon i una grande konsentrasyon de esprito afin de byen kalkular (a kada golpe)el enkaminamyento de la bala , lo ke es importante en la lucha kontra el envejesimyento.
Tambyen kada grupo de djugadores syendo kompuesto de individuos de mas o menos mezma edad, el ke no parvyene a sigir el mizmo ritmo ke los otros sospecha un kualkyer desrepozo en su salud i konsulta immedyatamente un mediko, lo ke byen entendido permete una intervensyon sin pedrita de tyempo.
