Sigmund Freud i su famiya fueron salvados por un Nazi. En el muevo livro “The Escape of Sigmund Freud” esta eskrito en detalyos komo tomaron la ayuda de Anton Sawerwald el Nazi. El teniya en kargo de observar las proprietas de la famiya Freud.
Sawerwald era un elevo de un amigo serkano de Freud i teniya una apresyasyon por la emportansa del lavoro de Freud. Por esta razon ayudo a Freud i su famiya i sinyo la viza de salir antes ke se fuyera a Londra.
Grasyas a la envestigasyon del eskrivano David Cohen esta istorya salyo en medyo. Cohen ekspliko ke dospuez de la gerra, la ija de Freud salvo Sawerwald dospuez de su arestasyon i juzgo. Sawerwald fue arestado por un soldado Americano ke era el sovrino de Freud. La ija de Freud eskrivyo a Harry Freud eksplikando ke sin la ayuda de Sawerwald toda la famiya seriya eksterminado. Sawerwald fue liberado i bivyo fista 1970.
