|
Şabat pasado el 15 del mez koryente, el Primer Ministro de Turkia Tayyip Erdoğan onoro de su prezensya la byen konosida Isla de la mar Marmara nombrada “Büyükada”. Una pranso de medyo dia fue organizado en el famozo “Anadolu klübü” ande fueron invitados reprezentantes relijyozos i komunales Muzulmos, Kristyanos, Suryanis ansi ke Djudyos. El Gran Rabbino Rav Isak Haleva no pudo asistir visto ke le era imposivle de deplasarse un dia de Şabat , por kontra se topavan prezentes: el Prezidente de la kolektividad djudia Silvyo Ovadya i sus serkanos kolavoradores Sami Herman ansi ke Robert Abudaram i Moris Levi. Fue un ermozo dia ande se afirmo una vez mas la armonia i la amistad ke reynan entre las varias relijyones de muestro payis. |
