Kon la sensibilidad de su boz eksepsyonal, Leonard Cohen kantador-poeta de 74 anyos izo bivir a sus oditores turkos, momentos de egzaltasyon, de pasyon i de poezia.
En su programa: kantes ande se syente su devosyon por Frederico Garsya Lorca ke fue un grande umanisto Espanyol, dramaturgo, eskritor, filozofo, poeta, luchador por la libertad, ombre inkomparable ke arrelumbro komo una torcha de luz la epoka oskura de la gerra de Espanya poko antes la segunda gerra mundyal.
Akompanyado del gitaristo Javier Mas, del saksofonisto Dino Soldo, de la vokalista Sharon Robinson, de las intervensyones de Charley i Hattie Webb, Leonard Cohen enkanto el publiko de Estambol ke lo ovasyono kon entusyazmo i fervor.
