Vehemente protestasyon kontra la deklarasyon de un grande Prelato de la Eglisya Katolika

Klara PERAHYA Judeo-Espanyol
7 Nisan 2010 Çarşamba

              

La deklarasyon del Prelato Katoliko ke komparo a un vulgar movimyento de antisemitizmo “la protestasyon de munchos fideles kontre el silensyo de la Eglisya al sujeto de syertos problemas de pedofilia” provoko un grande movimyento de indinyasyon, espesyalmente de la parte de nombrozas Asosyasyones Djudias.

“La revolta aktual de varyos kristyanos  es relativamente justifikada i repoza sovre una protestasyon komprensivle kontra la Eglisya ke manko de kastigar un krimen perpetrado al seno mizmo de su  formasyon”, lo ke es kompletamente diferente del “antisemitizmo”  bazado, el, sovre un indjusto  aborresimyento enverso innosentes, motivado unikamente por el  fakto de apartener a una otra relijyon ke sus fey.

El dicho Prelato se vido ansi ovligado de rekoneser su yerro i formular ekskuzas.