El Prezidente de la Republika Franseza resivyo un grande chaketon en las ultimas eleksyones rejyonalas de Alhad pasado. Una grande parte de su elektorato se detuvo de votar en sinyo probavlemente de deskontentes.
Kualo es la razon de esta abstensyon? la injerensya sin obligasyon de Sarkozy (inyeto de un avuelo medyo djudyo) en kaji kada operasyon governomental, lo ke los sitizanos fransezes konsideran komo un djenero de egosentrizmo absoluto? O byen la anunsya perpetual de muevas reformas nesesaryas kel prezidente kere realizar?
Kale achetar ke es muy difisil en este momento de kriza de governar un puevlo de temperamente a este grado kritiko i egzijente?
