La manseves no es una epoka de la vida; es un estado, una manera de penseryos.
La manseves no tiene dingun raporto kon la kolor de la kara, de los mushos, i kon la fleksibilidad (esneklik) del puerpo.
La manseves es una veluntad, es un dinamizmo, es la emosyon, es la freskor de las orijenes (kaynak) profondas de la vida.
La manseves es el koraje ke es superyor a la timiditad (çekingenlik). Un orden (düzen), una regula ke ay una shans mas grande de toparse en un ombre de 50 anyos, ke de un mansevo de 20 anyos.
No se entra en edad (yaşlanmak) a kavza de los anyos ke se estan adjustando (eklenmek), uno enriva de otro. La persona se envyejese kuando abandona (bırakıp gitmek) sus ideales.
Si los anyos arrugan (kırışmak) el kuero; la pedrita del entuzyasmo (coşku) arruga la alma (ruh).
El korason se inklina debasho del pezgo de las ansyas (kaygı), de la mankansa de la konfiensa en si, de los espantos i del dezespero (umutsuzluk).
En todas las personas ke seygan de 70 anyos u de 16 no emporta, ay la atraksyon del ekstraordinaryo.
Somos mansevos, asigun muestra fey (iman), somos vyejos asigun muestros dubyos (şüphe), somos mansevos asigun muestra konfiensa ke tenemos en mozos mizmo, vyejos asigun muestros espantos, mansevos asigun muestras esperansas, vyejos asigun de muestros dezesperos.
En el fondo el mas profondo de muestro korason tenemos un reseptor (alıcı).
Va mos a kedar mansevos; ansi ke este reseptor va resivir mesajes de esperansa, de ermozura, de manyas buenas, de koraje i de fuersa ke nasen de la tierra, de las personas i de la eternidad.
La edad es una kualitad de la alma (ruh).
Si abandonimos muestros sonyos (rüya), i ke muestras esperansas se bolaron,
Si no estamos mirando adelantre,
Si la flama de muestras ambisyones se amataron,
Akel tiempo somos vyejos.
Ma, si tomamos de la vida lo mas bueno i guadramos el sensyo de la shaka;
Si la amor mos esta kemando el korason,
No es emportante los anyos ke estan pasando, i las primaveras ke se estan iyindo unas de detras de otras....
SOMOS MANSEVOS !......
Adaptado de una poezia ingleza.
