Şeli Gaon es una persomna ke uno das i diez resives. Es une persona enstuida. Es endjuntos ke eskapimos la Philologoie Fransez. Es une persona enstuida, edukada i ke tiene una madre maraviyoza.
Estuve en una de sus avlas. No vos puedo kontar la avla de Şeli. No me se sekaron los ojos ni un punto.
Estuve yorando para todo lo ke disho.
Eya empeso a avlar de los ashugares de al tyempo. Komo se arekojiyan todos i davan la desizyon de kazar tala i tala persona.
İ ya kalia pensado en el ashugar.
Antes de todo se deve de pensar a ayudar a los ke no tyenen famiya. Entre mientes, Şeli konto el Kuento de las 4 kandelas.
La una era la Pas, la otra la Fidelidad, la tresera era la Kerensia i la kuatrena era la Esperansa. İ eskapo ansi:
“Ke nunka La Luz de la Esperansa no manke de muestra Vida”.
Esta palavra se tiene menester en kada ora i punto.
İvaj a oyer a Şeli avlar i me ivaj a dar razon. Eya kon la sonriza, kon la buena humor, kon su riza tan kaloroza mos ekspliko komo se komporta kon los aedados. Es un ponte fondado entre las eksperiensas de los aedados del pasado i del vinir. El sekreto es: Reushidad, Rikeza i Kerensya.
“İ en kurto es la KERENSİA ke esta siempre kon mozotros, porke en todo modo de lugar ke esta la Kerensia, mozotros de la rikeza i la reushitad, estomos allado de eya. İ ansi eskapa Şeli Gaon: “La Kerensia ke este syempre kon mozotros!”
Şeli termino kon “Tener un aliado en la vida”. Vedra ke es muy emportante tener un aliado en la vida. Ma antes de todo kale tenido la salud.. La salud es la koza la mas emportante del ser umano. İ la koza la mas emportante para una mujer es azerse MADRE. “Eyas tienen lugar en la famiya en la komunidad i en todos los terrenos.
Beki Bardavid
