En el adjustamyento del kodigo juridiko Inglez, las personas o las publikasyones ke kometen aktos de violensa rasyal o ke egzortan otras personas a kometer semejantes aktos son kastigados.
En Fransya komo tambyen en munchos otros payizes evropeos ay interdiksyon de formular kualkyer dubyo o negasyon del Olokosto.
En un kongreso ke uvo en 2004 en los Estados Unidos “la formulasyon de fuertes sentimyentos de odyo enverso Israel” es konsiderada komo un akto antisemitiko.
Vinyendo a la Turkia, a parte los adjustamyentos juridikos ke interdizen la diskriminasyon rasyal, no se topa ningun adjustamyento ofisyal ke konsidera el antisemitizmo komo kulpa.
La komunidad djudia demanda ke las deklarasyones umilyantes formuladas kontra los djudyos sean konsiderada komo kulpas.
