Keridos amigos...

Coya DELEVİ Judeo-Espanyol
8 Ekim 2008 Çarşamba

Keridos amigos,

Oy, kon un poko d'esforso , arrimada, esto eskrivyendo estas linyas de mano. Por siguro ke me van ayudar a pasarlas al computer.

Me manka muncho para pasar yo enfrente de mi komputadora.

Tengo menester de pasensya . I la esto topando en vuestros telefones, e-mail'es i mesajes de kerensya, de amistad. Vos rengrasyo a todos.

El dosye sovre Estambol en "EL Amaneser" , es el fruto de un largo lavoro miyo. Orozamente ka ya lo aviya entregado a muestras amigas Güler Orgun i Karen Şarhon , muncho antes de mi aksidente. Espero ke esto artikolo vos va plazer.

Kon la esperansa de toparmos en serka en muestros "moabetes", vos sueto a todos fyestas alegres. Munchas grasyas por vuestro kudyo.

SHANA TOVA.