Muestro kolavorador Robert Schild en dolyo
Es kon grande tristeza ke anunsyamos a muestros lektores la muerte de
Klara Schild madre de muestro muy estimado kolavorador Robert Schild, myembro muy aktivo i muy apresyado de muestra komunidad.
Eya muryo entornada de la afeksyon i de los kudyos de sus keridos,despues de una grande lucha kontra un mal terrivle.
Ke su Alma repoze en paz.
Todas muestras kondolensyas a su entorno immedyato, sus paryentes ansi ke amigos i partikularmente la ekspresyon de muestros sinseros sentimyentos a Meri i Robert Schild.
La muerte de una grande Dama Muestro regreto fue grande kuando mos ambezimos la muerte de Rachel Nahum
bivda de Bernard Nahum grande i byen konosido ombre de echo, prekursor ansi ke inovador de munchos sistemas en el desvelopamyento de la industria otomotiva de muestro payis i sovre todo grande filantropo ke kontribuo muncho a la konstruksyon del Liseo Djudyo de muestra sivdad.
Ansi, poko a poko se esta akavando el tyempo de las vyejas grandes figuras de muestra komunidad.
Ke su Alma repoze en paz i muestras sinseras kondolensyas a sus serkanos.
