Alegria en las famiyas Kutlar i Benşuşe
Alhad el 24 del mez koryente, se fyesto en la alegria i la kontentez, el Berit Mila de: “Mert-Moris” i “Vedat-Vidal” Kutlar İjos de Roza i Yakup, inyetos de Coya-Viktor Kutlar i Öjeni-Moşe Benşuşen ansi ke bizinyetos de Raşel i Yakup Kutlar byen konosidos por sus partisipasyon a diferentes ovras filantropikas.
Mazalozos i venturozos ke eyos syempre sean, poderozos i provechozos para sus keridos i sus entorno..
Muestras sinseras felisitasyones a las famiyas Kutlar i Benşuşe a las kualas auguramos largos dias de alegria.
Una ija nasyo en un medyo de amor i felisidad
Es “la Alegria” , “la Kerensya” i “la Paz” ke
Mila Allovi
İja de Nisya İşman-Allovi direktora del “500 Yıl Türk Musevileri Müzesi” i de Lemi Allovi,
trusho kon eya, a las famiyas Işman i Allovi, ansi ke a muestra Komunidad i a muestro Payis.
Ke su vida sea larga i fekunda,yena de felisidad, gozo i amor..
Muestras kalorozas felisitasyones a las famiyas Işman i Allovi, a las kualas auguramos kontentez i syempre dias buenos...
Seremonia de Tefillin en la Sinagoga de Ortaköy
Juevez el 21 del mez koryente, se fyesto kon grande emosyon i alegria la seremonia de Tefillin de:
Elyo Elvaşvili ijo de Şeli i Albert Elvaşvili prezidente del “Ortaköy Sinagogu Vakfı Yönetim Kurulu”.
Ombre venturozo i mazalozo ke el sea, provechozo para sus serkanos, muestra Komunidad i muestro Payis.
Muestras sinseras felisitasyones a sus djenitores Şeli i Albert Elvaşvili i a todos sus keridos...