Ya empesimos a asender las kandelas de Hanuka i aklarar el mundo. Antes 2000 anyos.....en el anyo 175 BC los Judyos biviyan en la tierra de Israel yamada Judea, kontrolada por los Selucides rey de Syria. Los Judyos pagavan taxas; akseptando la otorita de la Syria eran liberos en sus fe i en el komerso. Antiohus Epiphanes 1V el rey defendyo de praktikar el Judaismo i dyo orden de azer un templo para Zeus aryento del Beit Amigdash. Ay ke dizen ke aviya gerra sivil entre los Judyos tradisyonalistos i los Judyos Helenizados. Antiohus tomo parte de los Helenizados. Mattias i sus ijos:Jochanan, Simeon, Eleazar, Jonathan i Yuda se alevantaron kontra Antiohus. Yeuda es konosido komo Yeuda a Maccabi. En el anyo 165 los Judyos salyeron ganados de la rebuelta. El Beit Amigdash fue liberado. Yeuda dyo orden de alimpyar. Se aziya menester de azete para asender el muevo Altar. Toparon un poko de azete apenas para un diya; la azete abastesyo 8 diyas el tyempo menesterozo para aparejar la mueva azete. Fue deklarado un festival de 8 diyas para komemorar este mirakolo. Festival de las luzes.
En Hanuka es uzo de komer Sufganiot. Es un dulse ke parese al ponchik ke konosemos en Estambol. Ansi es la resefta del Sufganiot:
Levadura(Maya): 2 kucharikas de dulse
Asukar: 4 kucharikas de dulse
Leche/o aua: 3/4 de kupa, kaynte
Uevo: 2 el amariyo al
Kanela: 1 kucharika de dulse
Margarin: 1.5 kucharika de dulse
Disolver la Levadura i 2 kucharas de asukar aryento de la leche o aua. Azer asperar 10 minutos.
Mesklar aryento de un resipyente (kap) la arina, la levadura, los amariyos de uevo, un poko de sal, kanela, la asukar ke kedo i la margarin. Mesklar bueno fina ke se aze una masa elstik. Deshar la masa una noche en el frijider. El diya siguente echar un poko de arina ensima la meza i avrir la masa(hamur). Kortar kon una kupa redondikos. Deshar asperar 15 puntos. Kon la mano azer topizikos; Meter aryento dulse de frangula i serar. Kayntar la azete i friyir los topizikos.