Alhad el 6/4/2OO8, dia de Resh hodesh, la grande Keila Neve Şalom estava yena de alegria, flores, rizas i kantes para fyestar el Bat Mitzva de: Reysi Haleva
İja de Vera i Mordo Haleva, inyeta de muestro Gran Rabino Rav İzak i Rejin Haleva ansi ke de la Sinyora RaşelErdeniz.
La asistensya era muy nombroza, kompuesta de paryentes, amigos, yahidim ansi ke de prezidentes i myembros de diversas institusyones i ovras de muestra komunidad.
Diskorsos sinyifikativos fueron pronunsyados, el del Gran Rabbino ke empeso kon estas tan ermozas palavras “İjos de mis ijos dos vezes mis ijos” fue una real avla de avuelo, yena de sehel i kerensya.
Ke la vida entera de Reysi sea Kontentez, Paz i Amor. Todas muestras felisitasyones a las Famiyas Haleva i Erdeniz.
Ke syempre fyesten evenementos de alegria.
