Un poema de Salamon Bicerano

En este prinsipyo del anyo 2008 mos es un dever sakro de konmemorar la ovra de Salamon Bicerano grasyas alkual el Judeo- Espanyol pudo ser mantenido en la gazeta Şalom. Debasho estas linyas, uno de sus poemas:NO SOMOS NUNKA VIEJOS

Judeo-Espanyol
9 Ocak 2008 Çarşamba

Fui en el pasado el mendigo de un amor.
Ardiente del dezeo de estar a su lado,
Para respirar halito embalsamado,
En su primavera de una juventud en flor.

Anios pasaron kon suenios insatisfeçoº;
Esperando una imposivle felisidad,
Ke puedreria si bien adornar mi soledad,
En la adolesensia de akeyos tiempos.

Dizde munça agua paso debaºo los pontes,
De kuando sus ojos me avian enkarselado,
Kreyendo bivir en un mundo despovlado,
Por aver ser ennamorado, la primera ves.

Komo un punyado de arena entre los dedos
Pasaron los dias; rekuordo yeno de flores.
Por belleza inolvidable de la manseves
I ambiertos d’afeksion; no somos nunka viejos!
El 26 Marzo 1999