13 Kasım 2007 Salı günü İsrail Devlet Başkanı Şimon Peres, Türkiye Büyük Millet Meclisi`nde Ankara Forumu kapsamında bir konuşma gerçekleştirdi. Cumhurbaşkanı Abdullah Gül, Filistin Yönetimi Ulusal Lideri Mahmud Abbas ve Peres barış için bir araya gelerek bir mutabakat imzaladılar. Peres`in, TBMM`de söz alan ilk İsrail Devlet Başkanı ol
Komemorasyon del terrivle akto de terrorizmo del anyo 2003
La Memorya de las 25 personas ke avian pedrido la vida en el anyo 2003, a la sigida de inyovles aktos de terrorizmo en las Sinagogas “Şişli Beth Israel” i “Neve Şalom”, fue komemorada en una muy emosyonante seremonia organizada por la Munisipalidad de Beyoğlu.
Entre munchos otros amigos i kompatriotos, estavan prezentes: “El Gran Rabino Rav Isak Haleva”, “el Prezidente de la Munisipalidad de Beyoğlu Ahmet Misbah Demircan”, el Müftü de Istambul Prof. Dr. Mustafa Çağrıcı”, “El Kaymakam de Beyoğlu Hasan Şenses”, numerozos myembros de la Munisipalidad de Şişli ansi ke los serkanos de las viktimas de este orrivle akontesimyento.
Despues de un minuto de immobilidad a la memorya de las viktimas, i del himno de la independesya, una korona fue depozada delantre el Monumento de la Paz de Şişhane i diskorsos muy sinyifikativos sovre la solidaridad i la armonia entre las relijyones fueron pronunsyados por Rav Izak Haleva , el Müftü de Estambol Prof. Dr. Mustafa Çağrıcı i el prezidente de la munisipalidad de Beyoğlu Ahmet Misbah Demircan.
Despues la seremonia balones blankos ke simbolizan la Paz, fueron soltados en el espasyo.
Bodas i Alegria en la Sinagoga Neve Şalom
El 11 del mez de Novembre, es en la alegria ke:
“Lisa” ija de Perla i İzzet Taragano i “Melih ” ijo de Sofi i Yaşar Gülcan ansi ke
“Selin” ija de Leyla i İzzet Cerahman i “Slimmy” ijo de de Sara i Menahim Pilosof.
De mezmo Alhad el 18 del mez koryente en la mizma Keila adornada de flores:
“Deniz” ija de Sima i Hayim Eskinazi i “Ilker” ijo de Doli i Yakup Barouh myembro dirijente de muestra komunidad.
“Serra” ija de Gila i Rifat Pinto i “Berry” ijo de Ester i Avram Avimlah ansi ke
“Selin” ija de Leyla i Nesim Haras i “Isak” ijo de Zelda i Alper Ergil
aunaron sus destinos por una larga vida de amor i kerensya komun. El Dyo ke los bendiga.
Todos muestros suetos de alegria i muestras felisitasyones a las famiyas “Taragano i “Gülcan”, “Cerahman i Pilozof”, “Eskinazi i Barouh”, “Pinto i Avimlah”, “Haras i Ergil”.
