24- 25 Ekim tarihlerinde Bodrum`da “1522- 2007 Osmanlılar`dan günümüze her yönüyle Bodrum” sempozyumu gerçekleşti. Sempozyumda tarihçi Avram Galante`nin hayatı ve çalışmaları üzerine bildiriler sunuldu ve Galante`nin Bodrum`daki mezarının, koruma altına alınması için çağrıda bulunulduÖnder Kaya(*)
La reaparisyon de la revista ‘La lettre sephatrade’
Venimos de resivir una misiva de muestro amigo Jean Carasso fundador de la revista “La Lettre Sepharade” de Fransya, la kuala avia kedado de ser publikada durante unos kuantos mezes por kavza de mankansa de salud de su proprietaryo,
El mos informa ke una manseva nombrada Linda Toros de padre Estamboli, persona de muy ancha kultura, de lakuala las linguas materna son el Judeo- Espanyol, el Fransez i el Kastilyano, aksepto el dezafio de azer de muevo pareser la mizma revista en el esprito mizmo ande eya avia sido kreada kon el ayudo se entyende byen de su fundador.
Muestra alegria es grande i auguramos reushita buena a la Sinyora Linda Toros i la agradesemos i felisitamos de partisipar ansi al esforso de no deshar murir el patrimonyo kultural de muestros padres.
Selebrasyon del bar- mitsva de Eran Elvaşvili
Shabat demanyana en la sinagoga Neveşalom, en una atmosfera de alegria i de grande emosyon, se selebro el Bar- mitzva de Eran ijo de Yasmin - Eli Elvaşvili i inyeto de İvet Elvaşvili ansi ke de muestros amigos Rozet i İzzet Keribar el grande fotografo de muestro payis, premyado munchas vezes al nivel internasyonal. Auguramos ventura buena i un futuro briyante i prospero a Eran i a todos sus keridos. Muestras sinseras felisitasyones i dezeos a las famiyas Keribar i Elvaşvili.
Esti Saul partisipa a la feria artistika ‘Art Istanbul Sanat günleri’
Muestra amiga i kolavoradora Esti Saul esta partisipando a la Feria artistika “Art Istanbul Sanat Günleri” en el "stand A 16", kon 13 de sus ovras. La felisitamos sinseramente i le auguramos syempre reushita Buena.
Esta ekspozisyon artistika ke empeso el 10 del mez koryente sera avyerta asta el 18 Novembre en “Antrepo 5, Tophane Salipazar?.
Todos los amatores de arte son kordyalmente kombidados a esta ermoza fyestya anual para los ojos i el esprito.
