Gazetemizin 60. yıl kutlamaları kapsamında düzenlediğimiz, “Doğu ve Batı arasında sıkışmış bir kimlik: dünümüz, bugünümüz ve yarınımız” başlığı altında konuşmacılarımızın metinlerini yayınlamayı sürdürüyoruz. Bu haftaki ikinci bölümde Prof. Dr. Elda Abrevaya, Otto Weininger, Hannah
Klara PERAHYA
Cecilia i Nicolas Sarkozy se espartyeron definitivamente djuevez el 18/10. Pokas oras despues, sus divorsyo fue anunsyado ofisyalmente, i ainda oy (aunke esto ya se savia desde semanas) el kavzo okupa un lugar importante en los grandes titolos de la prensa internasyonal.
Por seguro la sakralidad del kazamyento es rekonosida unanimamente en kaji todas las relijyones, por su karakter regulador no solo familyal ma tambyen sosyal... El es uno de los prinsipales ekilibradores de la persona solisitada por una multitud de koryentes diferentes, en su psishizmo komo en su puerpo. I para la posteridad, el es la baza de la edukasyon de los ke seran los futuros desizyonaryos de amanyana, no de una manera didaktika ni otoritarya,ma dulse, ande prevalesen el amor i la kerensya.
Portanto en el espasyo de una simple ora, miles de kazamyentos se dezazen kada dia en el mundo, miles de ombres i mujeres ke se aunaron kon la voluntad de nunka espartirsen, se separan por kavzas munchas vezes futiles.
El divorsyo devino aktualmente un fakto ordinaryo, uzual en la vida sosyal de un payiz, kaji inevitavle en munchos kavzos. Varios elementos kontribuen a esta situasyon: Por seguro la emansipasyon ekonomika de la mujer, su akseso a un alto grado de instruksyon i de kultura... puedeser tambyen un syerto trokamyento de la eskala de valores al nivel mundyal, ke da mas importansa a la aksyon ke a la refleksyon.
Partikularmente entre dos personas ke se kijeron de una manera tanto ardyente, komo fue el kavzo de Cecilia i Nicolas Sarkozy, un divorsyo es komo la fin de un sonyo, un djenero de demisyon de un proyeto komun echo kon fervor, en la plenitud sentimental de dos personas ke tenian, ay de esto 20 anyos, la mizma mirada verso el mizmo avenir.
Deve aver razones mayores ke justifikan esta desizyon, ninguno puede reelmente saver lo ke se pasa en el korason del otro; i es por esto ke no se puede formular ningun djuzgamyento, salvo esta triste sertitud ke nada puede impedir una rotura en la kontinuidad de un destino, sea lo ke sea muestro refuzo de akseptar ke semos munchas vezes sotometidos al kapricho de una fatalidad syega...
En el korso de una entrevista akordada a una gazetera franseza, Cecilia Sarkozy formulo palavras a las kualas, personalmente, no pude dar una djusta sinyifikasyon: “J’ai emmené Nicolas là où il fallait qu’il aille” (Yevi Nicolas ayi ande el devia ir”. Ke kijo egzaktamente ekspresar? Su kontentes de averlo akompanyado asta el lugar ke el meresia? o byen su orgolyo de aver eya kreado las kondisyones menesterozas para azerlo alkansar a este posto?
İ Esto me aze pensar a lo ke deve ser la sufriensa de este ombre sovre el kual repoza el pezgo del destino de un payis, este ombre sovre el kual son fiksados milyones de ojos, su soledad en una dolor ke no tyene el derecho de mostrar.
Me impresyona sovre todo la idea de lo ke puedra ser, un dia, para el “la alegria en la soledad”, esta estranya sensasyon de amargura kuando no se tyene verdaderamente ninguno kon ken partajarla.
